نئجه بهداری ناخوشلار یئریدی ائله مسجد الی بوشلار یئریدی
ائله که اولدی آدام سنیده شصت آرزولرده اوجا رتبه ده پست یازیقی ائیلدیلر بازنشست یاستون فقرات اولدو شکست قاچاجاق مسجده تسبیح بدست هامی گؤرسون که نماز تاجیریدی
ائله مسجدالی بوشلاریئریدی هر اوشخصین که گؤزل ایش میشی وار آغزی شیرین جیبنون کشمشی وار یاخشی آشپز خانادا پشمشی وار سؤیله مسجده اونون نه ایشی وار گؤروسن مسجده گیرجک کیریدی ائله مسجد الی بوشلار یئریدی ائله که قامتون اولدی ایکی قات فرقی یوخ ائوده یا گیت قبریده یات یادا گل مسجده تا وقتی یوبات قچون آغریر اوتورانمیرسان اوزات گاهی گئت چورتا اوخی گه صلوات
گؤرن آنجاق که دئسون بو دیریدی ایله مسجد الی بوشلار یئریدی عمری صرف ائیلدون عیش و طربه اویناماق چالماقا لهو و لعبعه ایمدی عمرون سحری چاتدی شبه داشا چک دیمدیگوی گل ادبه عینی سوت حلقوه اوخشا عربه قوی دیسونلر بو عرب مخبریدی ائله مسجد الی بوشلار یئریدی ایله که چیخدی الوندن مغازا یغیدا طویدا قویولدون لوغازا نوه لر باشیوی ویردی قاپازا جان یتیشدی سینیه یا بو غازا اوروجین حبینی آت دول نمازا توبه نین گیر باجاسیندان یئریدی ائله مسجد الی بوشلار یئریدی ایله که میلون آزالدی حماما روزگار الفوی دوندردی لاما رنگون اولدی تاقی اؤلمش شاماما سؤزلرون گلمه‌دی دای خوش خالاما قاچ قباقدان داخی مئیدان سولاما شمشیرون دای یئل آتی گلگیریدی ائله مسجد الی بوشلار یئریدی نه بدنده سو قالوب ایشلماقا دستلات یوخ گیده بازاره باغا اوتوراندا دورا بولمور ایاقا ائشمه سیگاری سالوبدور داماقا دیه سن یاببا باسوبلار اوجاقا بورا مسجدی یا ات تندیریدی ائله مسجد الی بوشلار یئریدی ای جوان مسجده گل لذتی وار مسجد الله ائویدی حرمتی وار بورا معبددی اهمیتی وار او جوانین که گوزل طاعتی وار ایکی دنیاده اونون عزتی وار وای او شخصه بو ائوین منکردی ائله مسجد الی بوشلار یئریدیب
ای کریمی قوجالاناندا قباق سعی ایله چکمه مساجددن ایاق توبه نین وقتی یاخیندی نه اوزاق دین وایمان گؤتومز رنگ و بویاق مؤمن اول متحد اول سالما نفاق قوی دئسونلر کیشی ائل شاعریدی ائله مسجد الی بوشلار یئریدی قوجانون قدی دوزلمز نمازا اؤسگورنده قاچاجاق دستمازا انگی دوتماز حیی سوتسون بوغازا قوجالاندا اولار انسان قورازا دای عاشقلار سوزیوی سالدی سازا سنه استاد سخن ذاکریدی ائله مسجد الی بوشلار یئریدی
ابا ایمانی جوا نلقدا قازان دین و تقوانی جوانلقدا قازان ایکی دنیانی جوانلقدا قازان بذل و احسانی جوانلقدا قازان هامی امکانی جوانلقدا قازان قوجالیق مرحله نین اخریدی ائله مسجد الی بوشلار یئریدی گلون اولدن اولاخ اهل صواب قائل روز جزا یوم حساب آی خانم قانما جوانلیقدا حجاب قوجالاندا سالیسان یددی نقاب حشر اولاندا وئره جاقسان نه جواب بیری هر کس ایکی گؤردی چئریدی ائله مسجد الی بوشلار یئریدی برچسب‌ها: شعروداستان
ابوالفضل روزی طلب اینجانب ابوالفضل روزی طلب در 13شهریور سال 1342 در روستای میاب از توابع شهرستان مرند متولد شده ام. از کودکی عاشق شعر و ادبیات و معارف دینی و قرآنی می باشم، امیدوارم به لطف الهی بتوانم خدمتی هر چند ناقابل به هموطنانم انجام داده باشم.
