اصالت و هویت

        آغ آلما  ’ قیزیل آلما                    بشقابا دوزول آلما

       چرکین آل اصیل اولسون             بد اصیل گوزه ل آلما

اصالت آیری بیر شیئدیر ’ تاسف لر کی بیز اونی یواش یواش الده ن وئریریک ’ هویتیمیزی’ کیم اولدوغوموزو

ایتیریریک’ من بوایل عاشورانی هیئتین طرفیندن موسسه نین یئرینه گوره کومک ییغماغا میابا گئتدیم . الحمدللاه

اهالینین طرفیندن چوخ یاخشی قارشیلاندیم . کند اهالی سی داها چوخ یاردیم ائله دیلر و چوخ دا سونجکلی کی

انشاءاللاه بو ایش بیر سرانجام تاپیر.

اما اوردا بیر واقعییتینن اوز به اوز اولدوم ’ بو که یواش یواش اصالت و هویتیمیزی الدن وئریریک من اوردا مسجدده

آیاق اوسته دوروپ بیر ’ ایکی کلمه سوز دانیشیپ یئره اوتوردوم. صونرا جوانلارادان بیریسی  گلیب منه سوال

وئریب؟ آقا سن کیمسن دئیه اوتوروب یانیمدا.

دئمیشم من میابلیام : دئییب اونی بیلدیم دئی گوروم کیملر دن سن؟ دئمیشم : من حاجی زین العابدینین نوه سیم ’ جوان

دئییب: منده حاجی زین العابدینین نوه سیم’ گورورسنوز بیر نسلین بنوره سی بیر بیرین تانیمیر. دئییرسن : نه اولار؟

تانیماسین قیامت اولماز کی’ دئییرم: نخیر قیامت اولماز’ ولی اصالت ایتر’ هویت الده ن گئدر اوندا مندن و سندن نه

قالار هیچ’ صاباح سنین اوشاقین منی تانیماز و منیم اوشاقیمدا سنی و او ایکیسی ده هیچ بیری بیرینی تانیماز و کوک

یواش یواش قورویار اودونا دونر .

گرسن سنی سن               نیم من ای یار

گر من سنی سن              نیم من ای یار

گئچن ایل دورد آی میابدا قالدیم بئله ساندیم کی فارس کتلرینین بیرینده یم ’ شوکر اللاها بوتون جوانلار فارس دیلینده

بولبول کیمین دانیشیرلارآنادیل بوتونجه یاددان چیخیبدی’ اوزوموزو ایتیرمیشیک و بیر هرهری جامعه وجودا گئلمک ده دیر .

گلین بیرلشک’ بیر بیری میزی آختاریب تاپاخ. بیرمکاندا توپلاناق’ اوز دردیمیزدن ’ نیسگیلیمیزده ن ’ایشیمیز’ ده ن

گوجوموزدن’ هونریمیزدن’ خبرتوتاق’بیر بیری میزین دردینه اولورسا چاره قیلاق. ایش سیزیمیزه ایش’ آجیمیزا

چورک’ چیلپاغیمیزا پالتار و جوانلاریمیزا امکان یاراداق. کولتورومیزی دییریتمک اوچون چالیشاق وارلیقیمیز

اوچون یازاق ’پوزاق ’ دویغولاریمیزا جان وئراق و انشاء اللاه هیچوقت سارسیلمیاق و یلبانجی ائللره اویمیاق.

                                            آمین یا رب العالمین - احد علمی