بیزیم بو عصریده  هئچ احترامی یوخ دیرینون

ولیک هرکس ئولور قبری اولیادندی

نقدری زنده دی شاعر شاطردان اسگیکدی

ائلیکه ئولدی همان شاعر انبیادندی

بیزه بو مرده پرستلیق قدیمکی عادتدی

تازا دگول عمو بو خصلت ابتدادندی

آجیندان ئولدی یازیق سعدی ایمدی قبرینه باخ

گلر او گون گوره سن گنبدی طلا دندی

عزیز من بشرین ساغلیقیندا قدرینی بیل

ئولن قوتولدی تاسف یماق هوادندی

کریمیا دیرینون  قدری جیبده کی  پولیدور

او کس کی پوللیدی عالمده مقتدادندی

کریمی مراغه ای