،مختصات جغرافیایی کوههای اطراف روستای میاب
بازدید امروز : 92
بازدید دیروز : 240
یاشاسین وحدتیمیز
چون ازل گوندن اوغول! فاسدیدی نیتمیز اودی که اؤز باشیمیزدا سنیر اؤز مترتیمیز
غم وخونابه وجودی اریدر اؤلدورمز قورخ او گوندن آجیلی زهر اولاجاق شربتیمیز
خوش او گونلر که صفادن ایلیمیز ساعتیدی وای او گوندن غمیله ایل گئچه جک ساعتیمیز
ایکی مین بئش یوز ایلی دوزمشوخ اندوه و غمه بئش یوز ایلده دوزه روخ چوخدی بیزیم طاقتیمیز
قابار اولدی الیمیز سیندی یوک اتدا بئلیمیز ایشلی‌ین بیز گئدیر اؤزگه جبینه ثروتیمیز
اؤزوموز لوت گزوب ایگنه کیمی خلقی بزه روخ بیزه دنیا گولور ایمدی گورونور عورتیمیز
صبر ائله صبریله‌من حلوا پیشیررم قورادان صبریله سرمه ی ابصار اولاجاق تربتیمیز
نقدر دگسه چکش باشیمیزه اوف دئمروخ ضربات آتدا پولاد میخ کیمی وار قدرتیمیز
هر گلن میندی بیزی قیشلارینی سیلکه له دی کورپو اولدی هامی چایدان گئچنه قامتیمیز
چالدیلار چاپدیلار اؤلدوردیله هئچ سوز دئمدوخ نه شرف قالدی نه وجدان نه ده امنیتیمیز
یاشمیز آتمیشا چاتمش هله دل آچمامشوخ لال کیمی قاش گوزیلندی سوزوموز صحبتیمیز
یازیق اولدوخ اسفا آغزیمیزین لذتینه ایمدی کیندن داغیدی مجلسیمیز وحدتیمیز
انگلیسدن قوتولوب اولدوخ امیرکایه اسیر گاه وابسته اولوب شورویه ملتیمیز
توپ کیمی ووردیلار بوندان اونا اوندان بونا خلق پاتدادی چکمه‌لر آتدا ایچی بوش امتیمیز
قولاقون وئر منه بیر سؤز دیوم آهسته سنه ائله اوّلدن عم اوغلو شولودی غیر تیمیز
دینی دیناره نثار ائتماقیمیزدان گؤرونور دیه سن دوزخه تبدیل اولاجاق جنتیمیز
نه عمل صاحبیوخ حور و قصوره یتیشاخ نه ده دنیا ائوین آباد ائله‌دی صنعتیمیز
خسرالدینی والاخره خسران مبین بئله بیللم ایکی دنیاده ده وار نکبتیمیز
باهالیقدا بیره بیت تک سوواشوب کورکو میزه دخلیمیز خرجیمیزی گؤرمورو یوخ راحتیمیز
یاغ ایچیندن لیره‌نی فاب قو طوسوندان سا هاتی ییه‌لندوخ گینه قوزاندی گؤیه لعنتیمیز
بیز ایکی یوز تومنه قند آلاروخ یرمیه یوخ اللیه یاغ یمروخ چون اوجادور همتیمیز (1)
اته قصاب دکاننداباخیروخ حسرتله سولانیر آغز یمیز آ ج قورد کیمی تتریر اتیمیز
تویوقا تولکو کیمی شیشه دالیندان باخاروخ کیلوسی اوچ یوز اولوب آلماقا یوخ جرئتیمیز
کیلوسی مین تومنه بال آلا بولسن بالا آْ ل کره یه قیماقا وار قلبده چوخ حسرتیمیز
قانع اولدوخ پنیره آلتی یوز اولدی کیلوسی شور پنیردنده کسیلدی دیه سن قسمتیمیز
باسدیلار پاتدادیق هی دشمنی باسدوخ یامانا سویله دیکجه دیلیمیز سیلی یئدی صورتیمیز
قوللارون چیرما باساخ یتمیش ایل عمری دالیا بلکه از نو قئییده آغزیمیزا لذتیمیز
باشیمیزدان قاراما اونبامیز اوستن دگنک دگدی دؤزدوخ واریدی هر کوتکه عادتیمیز
گؤره سن بیرده قاچان آو دوشه جاق چنگیمیزه او اوجوزلوق او فراغت اولاجاق قسمتیمیز
گردکان فخری بادام ایگده میلاخ شبچره میز کله جوش کرسی باشی تفریحیمیز عشر تیمیز
ایستی قورقا بزرک حلواسی کشمش دوشابی هئللی دارچین چائی آسوده فعالیتیمیز
شیشگین قیله سینون شورباسی تندیر لواشی هارا گئتدی او صفا نولدی او جمعیتیمیز
هامی بوینوز چیخادوب بیر بیرینه کله وورور بابا نولدی او وفامیز او صمیمیتیمیز
کرسی آلتیندا کی چیمدیکلرین اولماز عوضی مبلمان عالی اوطاقلاردا اولان خلوتیمیز
قره مسجد(2) قورو یئر نصفی زیلو نصفی حصیر ایمدیکیندن خوشودی نیتیمیز طاعتیمیز
واریدی علمینه عامل اولان عالملریمیز مسجده منبره بوندان چو خودی رغبتیمیز
بیر زمان دورد کبین اون صیغه دویور مازدی بیزی سنت احیا ائلین سنتتیدی سنتیمیز
اودی که نقشه چکوب بوردولا بورمانج کیمی گوردولر علمه طوفان سالاجاق شهوتیمیز
اصلیمیزدن برکت اوچدی دوشوب نسلیمیزه صد ماشاالاه گونی گوندن چوخالیر کلفتیمیز
هله بورمانجدی ملت گونی گوندن چوخالیر آزالیر مکنتیمیز هی دارالیر وسعتیمیز
خلق صفلرده مینر بیر بیرینون پیسرینه دوشدی آخرده عجب صدمیه شخصیتیمیز
خلق آتوم کشف ائلدی بیز باتوم آچدوخ یوخودا اوخلادیق شیطانی تا راحت اولا امتیمیز
یاغ صفی فاب صفی ات سو صفی چای قند صفی صف چوخالدیقجا دولور قلبلره وحشتیمیز
گلون انصاف ائلیاخ اللها خاطر قئییداخ گون گئچور آ خر ئولوم وار قوتارور فرصتیمیز
ارزشه قائل اولاخ بیز شهدا قانلارینا فرج قائمه تا وصل اولا بو نهضتیمیز
بیر بیره رحم ائلساخ رحم ائدر الله دا بیزه رحم و انصاف و مروتدن اولار عزتیمیز
خوشا او شخصین حالینا قلبی دیلینن بیر اولا باخانا صورتمیزدن گؤرونه سیر تیمیز
اولاخ الله سون انسان دؤیاخ الله قاپسون چون بیزیم احسن تقویم دهدور خلقتیمیز
نشئه تخت ریاست بیزی مست ائتسه اگر آتش قهر الهییه وار دعوتیمیز
ای ((کریمی ))سوزی شیرین یازیسان خوش یازیسان سنون اشعاریوه هر عصریده وار قیمتیمیز
ـــــــــــــــــــــــــــــــــــــــــــــــــــ
1- قره مسجد مراغه نین عالی وتمیز مسجدلریندن بیریدی
با تقدیم گرم ترین سلام ها خدمت همه بند گان صالح خدا که به واسطه داشتن روح پاک
وزیباپسند خود همواره هم خود زیبا هستند و هم همه زیبایی ها را که هر کدام به نوعی
نشانه ها و آیات الهی هستنددوست دارند . فصل بهار و وزنده شدن طبیعت و شکفتن
گلها وآواز خواندن پرندگان و صدای بارش باران و صدها نشانه دیگر الهی هر کدام به نوعی
روح زیبایی پسند انسان را نوازش می کنند.
با آن چشمان زیبا بین خود به این عکس ها که گوشه ای از طبیعت بسیار زیبای اطراف
مرند ( کمی مانده به سه راه زنوز ) را در 31 فروردین 94 توسط این بنده ناچیز که شیفته
زیبایی های طبیعت و طبیعت آفرین هستم، بر داشته شده تماشا کنید و شما را بخدا
حیف نیست ، خدا را به خاطر این همه نعمت ها که به ما بندگان خود داده است، شاکر
نباشیم ؟؟!
....................................................................................................
.........................................................................................................................................................
..........................................................................................................................
.................................................................................................................................
......................................................................................................................................
...............................................................................................................................................................
گوزه ل مرندیمیزده یاشایان طبیعت عاشیق لری بو گوزه للیک لر سیزلرین یولونو گوزلور
بقول فارس شاعری :
گل عزیز است غنیمت شمریدش صحبت که به باغ آمد ازاین راه و از آن خواهد شد
از ما گفتن ، خود دانید. بقول حافظ لسن الغیب :
نو بهار است در آن کوش که خوشدل باشی که بسی گل بدمد باز تو در گل باشی
....................................................................................................
حورمتله : ابوالفضل روزی طلب میاب 3 اردیبهشت 94
لیست کل یادداشت های این وبلاگ
لوگوی دوستان
درباره خودم
پیوندهای روزانه
فهرست موضوعی یادداشت ها
بایگانی
اشتراک
