بازدید امروز : 64
بازدید دیروز : 172
« میابین » صفالی داغلارینا تازا بیر شعر
عجب صفالیدی «میاب » داغلاری باخاندا آچیلیر اوره گیم منیم نه قدر گزمیشم اوشاق چاغلاری بو اوجا داغلاردی دیله گیم منیم
« قانلی داغ » دایانیب پهلوان کیمی «قیلینج » گوزه تچی دی نگهبان کیمی
« گونی » چوخ گئنیشدی بیر میدان کیمی اوردا یئره دگمز بیله گیم منیم
«اوزون چشمه » داغ دوشوندن قایناییر یایی قیشی هئچ صفاسی سولماییر
بئله چشمه هئچ بیر یاندا اولماییر بو چشمه دوزومدی ، چوره گیم منیم
« مهدی چشمه سینده » قوراسان چایی اورا یولون دوشه باهاری یایی
گوره سن یاخیندان یوخ اونون تایی یوخسا نه فایداسی دئمه گیم منیم
«تکه دوندورانا « سالاسان یولون اوردابیر یویاسان قیچینلا قولون
ای گوزه ل چشمه لر سیز با هم اولون اولماساز کسیلر کله گیم منیم
بیرده یولون دوشه «خاتون سویونا» یورغون یولچو پالتارلارین سویونا
بوساط قورا ائللر گله تویونا بو ائللر آرخامدی کومه گیم منیم
«قره چی یایلاغی» بزه یه اوزون 
باخاندا حسنونه مات قالا گوزون
«ابوالفضل» دای بسدی ختم ائله سوزون گورورسن آسیلیب اله گیم منیم حورمتله:ابوالفضل روزی طلب میاب
لیست کل یادداشت های این وبلاگ
لوگوی دوستان
درباره خودم
پیوندهای روزانه
فهرست موضوعی یادداشت ها
بایگانی
اشتراک
