بازدید امروز : 62
بازدید دیروز : 494
بو شکیله بیر یول باخدین بیرده باخ
سوسوزوندان دیل چیخاربدیر تورپاق
گؤرورسن کیم داغین یاشیل دودنو یوخ
کدری نین آخیری یوخ سونو یوخ
بیرده سوسوز سینه سینده باغی گؤر
بیزیم کندده بیر کیشی وار شیخ علی
یاخشی اینسان ایسته مه لی سئومه لی
یوخدو گؤزو هئچ کیمسه نین مالیندا
گئجه گوندوز بئل کرکی سی دالیندا
بیر دره وار او داغلارین دیبینده
سو گتیرر او دره دن جیبینده
تؤکر اوردا آغاج لارین دیبینه
سوسوزلوق دا کار سالانماز بیرینه
داغ دؤشونده ائله بیر باغ سالیبدی
هر کیم باخیب آغزی آچیق قالیبدی
بس گؤروروک عشق اولورسا اینساندا
باغ بئجه رر آغاج اکر هر یاندا
گلین بیزده یاز گلنده حیاط دا
آغاج اکک -گؤزل لشسین حیاتدا
قوی روح وئرسین بولبول سسی باغلاردان
(شاهین)باخیب فرح لنسین داغلاردان.
ابولفضل روزی طلب
حور متلی اوخوجلار و ائل ادبیاتیمیزی سئونلر اوسته اوخو دو غوز شعری ایگرمی بئش ایل اونجه گوزه ل کندیمیزین گو نئی داغیندا ال قاباری و آلین تریله سالینان اوستاد شیخعلی زینالی نین باغی نین وصفینده دئمیشم
بو گئجه کئچن خاطره لی یاد ائدر کن کو ورلدیم و ایسته دیم سیزی ده کئچن گونلره قایتاریم شاعر رسول رضا گوزه ل دئمیش: کئچن گونلریمی قایتارسایدیلار گلن گونلریمی قوربان وئرردیم
هله لیک بیر بئله ساغ و سالامات قالین حورمتله ابوالفضل روزی طلب 93.08.29
لیست کل یادداشت های این وبلاگ
لوگوی دوستان
درباره خودم
پیوندهای روزانه
فهرست موضوعی یادداشت ها
بایگانی
اشتراک
